Archive for the ‘ගෑන්සිය’ Category


හොස්ටල් එකේ උඩ තට්ටුවේ දකුණු කෙළවරේම තිබ්බෙ 11 වසරෙ කට්ටියගෙ ඩෝම් එක.ඊට මෙහායින් 10 වසරෙ කස්ටිය.

ඔය හැම ඩෝම් එකක් ඉස්සරහින් දිගටම කොරිඩෝ එක තියෙනවා.

ඒ ඒ ඩෝම් එකට අදාල පොදු කණ්ණාඩිය තියෙන්නෙ මේ කොරිඩෝ එක තියෙන කණුවකට හයිකරලා.

මේ කියන සිද්ධිය වෙද්දි රම්බා 10 වසරෙ.

දහය වසර කියන්නෙ ඩිංගක් කරදඩු උස් මහත් වෙලා උගුරු ඇටේ එලියට පෙනිලා එහෙම මදන විසේ ගහලා ඉන්න කාලෙනෙ..

ඔය දවස්වල 11 වසරෙ හිටියා අයියලා 3 න් දෙනෙක් හවසට හවසට යකඩ එක්ක හැප්පිලා ඇඟ මහත්කරගන්න දඟලපු.

ටික කාලයක් මෙහෙම ගියපු කට්ටියගෙ යන්තම් පොඩ්ඩක් මස් පිම්බිලා ආවම කස්ටිය බොරු පඩ ශෝ එකක් දාන්න පටන් ගත්තා ඔය කියපු කණ්නාඩිය ඉස්සරහට වෙලා.

හවස 4,5 වෙනකොට මුන් 3න් දෙනාම ඇඟවල් වල තෙල් උලාගෙන කණ්ණාඩිය ඉස්සරහට ඇවිල්ලා එක එක විදියට ඇඟ පෙන්නන පටන් ගන්නවා.

හරියට නිකන් අපි සල්ලි නොගෙවා අයෝමය පුරුෂයා තරඟයක් බැලුවා වගේ.

මේව බලලා කාල ඇඳල ඉන්න පුලුවන් වයසක නෙවීනෙ අපි උන්නේ.

ඊළඟ රසික හවුලෙදි සුපිරි වැඩක් දෙන්න ප්ලෑන් කරා.

මේකටම හරියන සුපිරි පොරක් හිටියා.නම නුවන්.ගම අනුරාධපුරේ කියලා කියමුකෝ.පොරගෙ ඒ දවස්වල පුදුම දක්ෂකමක් තිබ්බා ඔය උරහිස පිටිපස්සෙ තියෙන කෑල්ල(උරපත්ත) එළියට පුම්බලා පෙන්නන්න.. ආයේ ඉතින් කියලා වැඩක් නෑ සෝමාලියා එවුන් පරාදයි එයාකාරයට උගෙ කටු බොඩිය පන්නලා ගත්තම.

මේ දවස් වෙද්දි ඔය රසික හව්ල දියුණු වෙලා මුලින් වගේ කෑම කාමරවල නෙවි තිබුනෙ.කුළරත්න හෝල් එකේ තමා තිබුනෙ.

ඒ තීරණාත්මක දවස උදාවුනා.රම්බා සහ මීයා තමා මේ අංගයේ නිවේදන කටයුතු.නුවන් අපේ කටු බොඩි අයෝමය පුරුෂයා.නියමාකාරයට උගේ ඇගේ තෙල් උලලා ස්ටේජ් එකට නග්ගලා දුන්නා සුපිරි වැඩක් මුලු හොස්ටල් එකටම උඩින් යටින් නහයෙන් කටින් හැමතැනෙන්ම හිනාවෙන්න.අවාසනාවකට ඒ කාලේ පොටෝ ඇල්ලිල්ලක් නැති නිසා ඒ මතකයන් හිත්වල විතරක් ඉතුරුවෙලා.

මෙහෙම ගේම දීපු කට්ටියම ඩෝම් එකට ඇවිත් නිදාගත්තා.

ටික්කින් ඇහෙනටා දෆ්ඩ බඩාං අයියෝ බුදු අම්මෝ ගහන්න එපෝ එකී නොකී මෙකී සද්ද.

බැලින්නම් මෙන්න 11 වසරෙ උන් පැනලා නුවනයයි මීයටයි විතරක් නෙවී අපේ ඔක්කොමට පෙරළගෙන ගහනවා.

මම විතරක් යන්තම් ගැලවුනා මොකද මට ගහන්න ආපු 11 එකා මාත් එක්ක එකට කරාටේ ප්‍රෑක්ටිස් කරණ නිසා අපි දෙන්න හොරෙන්ම සාම ගිවිසුමක් ගහගත්තා.

මේ වෙනකොට ජනේලෙන් පිටට පැනලා අපිට ගහනවා කියන පණිවිඩය වොර්ඩ්න් වෙත ගෙනගිය(10ක් විතර අල්ලගන්න පස්සෙන් එළවද්දි ) රසිකයා නිසා යන්තම් කට්ටියම අතක් පයක් කඩා නොගෙන ගුටි කෑමෙන් පමණක් සෑහීමකට පත්වුනා.

හොඳම කෑල්ල වුනේ අපි හීනෙකින්වත් අනුමාන නොකරපු දෙයක් 11 වසරෙ එකෙක්ගෙ කටින් මෙහෙම පිටවුන එක.

අඩෝ තොපි තුන් දෙනක් ස්ටේජ් එකට නැග්ගේ අපි තුන් දෙනාට කින්ඩියට නේද යකෝව්…..

එතකොටයි අපිට ඒක මතක්වුනේ.අපිට අරුගෙ කටු බොඩිය විතරක් පෙන්නන ඕනි වුනාට නොදැනීම අපි 3න් දෙනෙකුත් වැඩේට බැහැලා.

Advertisements

හොස්ටල් එකට ඇතුල්වෙන තැනම දකුණු පැත්තට වෙන්න තිබ්බේ කොමඩ් රූම් එක..කොමඩ් රූම් එක කියලා නොදන්නකමට කීවට ඒකෙ ඇත්ත නම කොමන් රූම් එක කියලා තමයි තියෙන්නෙ.

මේක තමා හොස්ටල් එකටම තිබ්බ පොඩිම ඩෝම් එක.ඒ හින්දමද මන්ද ඒකට රූම් කියනව මිසක් ඩෝම් කියනව මටනම් කවදාවත් ඇහිලා නෑ.

සාමාන්‍යයෙන් මේකට වැටෙන්න 7 වසරට වගේ එනකම් ඉන්න වෙනවා.ඒත් සමහර වෙලාවල්වලදි 6 වසරට එන කස්ටිය වැඩි වුනොත් 6 වසරෙ කට්ටියටත් මේකෙ ඉන්න චාන්ස් එකක් හම්බෙනවා.

වම් පැත්තට වෙන්න තිබ්බෙ ඩයිනින් හෝල් එක හෙවත් කෑම කාමරේ.මේකෙ සාමාන්‍යයෙන් ගේමක් නැතුව 100කට 150කට කන්න පුළුවන්.මේ වගේ තවත් ඩයිනින් හෝල් එකක් තවත් වම් පැත්තට වෙන්න තියෙනවා.ඩයිනින් හෝල් වුනත් මේවා මල්ටි පර්පස් විදියට භාවිතා කරලා පාඩම් කරන්න එහෙමත් පාවිච්චි කරනවා.

සාමාන්‍යයෙන් දැන් හිතෙන්නෙ මේවා දකිනකොට මතක් වෙන්නෙ කන එක හරි පාඩම් කරන එක හරි කියලා නේද?

හෙ හෙ එහෙම හිතුනනම් සම්පූර්ණයෙන්ම වැරදියි.මොකද මතක් වෙන්නෙ කෑම කකා ඉන්නකොට කකුල දිගේ උණුවට වැක්කෙරෙන්න සුලුදිය පහකරපු පල් බළල් හැත්ත..උන් හුජ්ජ කරනවා මදිවට ඊට පස්සෙ වෙව්ලා තමා නවතින්නෙ.මේ වෙලාවට තමා උන්ගෙ හත්මුතු පරම්පරාවම මතක් වෙන්නෙ.මොකද කෑම කනකොට හිතු මතේ නැගිටලා යන්න කාටවත් බෑ.

ඒ යනවනම් ඉන්න ශිෂ්‍ය නායකයෙකුට කියන්නෝනි.ඔය සෙනඟක් ඉස්සරහ බලලෙක් කකුලට හුජ්ජ කරා කියන්න තියෙන ලැජ්ජාවට හැමෝම ඉවසන් ඉන්නවා.හෝදගන්නෙ කෑමෙන් පස්සෙ.

කොහොමින් හරි එතකොට අපි උන්නෙ 7 වසරෙ.කොමඩ් රූම් එකේ හිටියෙත් අපේම සෙට් එකේ කට්ටියක්.

සිද්දිය වුනේ රෑක.හවස 8ක විතර ඇති.කට්ටියම ලයිට් එහෙම ඕෆ් කරලා දාලා හොඳට නැගලා යන සිංදුවක් කියන්න සෙට් වුනා.මෙන්න මෙහෙම සෙට් වෙලා ආතල් එක උපරිමේටම ආපු වෙලාවට ආපි හොස්ටල් එකේ වෝඩන්.පොර ඇවිත් ලයිට් දැම්මා විතරයි සී සී කඩ දුවපු උන් ඇඳවල් වල නිදි.ආයේ මිනිහට බොරු කරන්න බෑ කොනක ඉඳන් පටන් ගත්තා වේවැල් සබ්බුව.

ඇඳවල්වල නිදන් හිටන් උන්න එවුන්ට පවා පහර දීගෙන පැමිණි පොර වට්ටන්න අපේ බුරියට පුළුවන් වුනා.මූ පොතක් කියවනවා ඒ අල්ල පනල්ලෙ.නෑ සර් මම මේ පාඩම් කරා ඌ කියපි.මූ අතෑරපු වෝඩන් අපිට නෙලලා ගියා,ඒත් අපි හැමොටම මීටර් වුනාට සර්ට මීටර් වුනේ නෑ මූ කළුවරේ පාඩම් කරලා තියෙන්නෙ කියලා.හෙක් හෙක්.

හරි පඳුර තලලා ආවෙ ඊළඟ කථාවට.ඔය කලින් කියපු ඩයිනින් හෝල් එක පිටිපස්සෙ තිබුනා පාඩම් කරන්න හදලා තිබ්බ පොඩි කාමර කෑල්ලක්.

එක දවසක් අපි ඕකෙ පාඩම්.ඒ වුනාට ඇතුල් වෙන තැනම හෙන සයිස් බලු බෙට්ටක්.අපිත් ඉතින් මෙලෝ සංසාරයක් දන්නෙ නෑ වගේ පාඩම් කරණවා.

ඔහොම පාඩම් කරගෙන යනකොට ආවා එතනට අපේ ශිෂ්‍ය නායකතුමෙක් ඉවක් බවක් නැතුව විදලා ආපු පොර නැවතුනේ අර බලු ජරාව පාගමින්..

ඉහවහා ගිය කෙන්තියෙන් ඉල්ප ගිය ඔහු විසින් බෙරිහන් දුන්නේ

මම ආයෙම එන්න කලින් මේක අයින් කරලා තියපියව් නැත්තම් ඔක්කෝම කනවා කියාය.

අපි වහාම ක්‍රියාත්මක වෙලා අර සනීපාරක්ෂක කම්කරුවෙකුට කියලා සුද්ද කරලා දැම්මේ මොනා වුනත් එහෙම ශිෂ්‍ය නායකයෙකුට බලු බෙට්ටක් කන්න දෙන්න හිත හදාගන්න බැරි නිසා.හෙ හෙ..

ඔන්න ඉතිං කිරියගෙ සීරීස් එකේ දෙවෙනි කොටසත් මෙහෙමම ලියලා දාන්න හිතුවා.

අපේ ගැන්සියේ කට්ටියගෙ කටවල් වල කාලෙන් කාලෙට එන කෑලි වලට අමතරව අපේම වචන සෙට් එකකුත් වෙනම තියෙනවා.

ඒවයින් ආපු අලුත්ම එක තමා තත්වෙකට එනවා කියන එක.මේක හඳුන්වා දෙන්න මූලික වුනේ වෙන කවුරුවත් නෙවී කථානායක කිරියාම තමයි.

සාමාන්‍යයෙන් සෑහෙන තරමකට බීමකට වග කියන්න පුළුවන් කිරියට මේ ළඟකදි ඉදන් මූඩියක් පෑගුනත් වෙරි වෙන සීන් එකක් ඇවිත්.

මූ ඒකට කියන්නෙ තත්වෙකට එනවා කියලා.මෙහෙම ක්ෂණිකව තත්වෙකට එන කිරියා මේ දවස්වල රෑට රෑට පෙරේතයා පොලොවෙ ගැහුවා වගේ ටයිල් පොලොවෙ වැටිල ඉන්න එක සාමාන්‍ය සීන් එකක්.

ඔන්න දවසක් රෑ 10ට විතර මට කිරියාගෙන් කෝල් එකක් එනවා.

අඩෝව්ව් රම්ම්බා උඹා කොහෙද බං….

මම මේ ගමේ යනවා බං.මොකෝ සීන් එක..

අඩෝව්ව් බිව්වා ඩෝ හොඳටම උඹ කොහෙද දැන් ඉන්න්නෙ..

දැන් මේ අවිස්සාවේල්ල පහු කරලා යනවා බං..එළ එළ උඹ බීලානෙ බං පිස්සෙක් වගේ…

අම්මට උඩු එහෙමද..හරි මං කියන්නම් උඹ ඔහොමම වරෙන් අවිස්සාවේල්ල පහු කරන් නුගේගොඩ හන්දියට.මම විනාඩි 15න් එනවා….

ඈ… පිස්සුද යකෝ අවිස්සාවේල්ල පහු කරන් කොහෙද නුගේගොඩ තියෙන්නේ….??

ආ එහෙමද එළ එළ එහෙනම් උඹ එනවානේ…

පිස්සුද යකෝ මම එන්නෑ මම ගමේ යනවා.තෝ පලයං ගෙදර…

එළ එළ මචාන් එහෙනම්..

යන්තම් හෙන ගේමක් දීලා ෆෝන් එක තිබ්බවාගත්තා…මේන් තව විනාඩි 30කට විතර පස්සෙ ආයෙම කෝල් එකක්..

ඒ මචං රම්බා උම්ම්ඹ කොහෙද බං.මම මේ කළුබෝවිල බං.හොඳට බීවා.

ඇයි බන් දැන් පැය භාගෙකට කලිනුත් කලුබෝවිල කිව්වා නේද?

මොනා කරනවද බන් පලයන් ගෙදර…

අඩෝ ඒ මම කථා කරාද බන්….උඹ එනවද එතකොට නුගේගොඩට..

පිස්සුද බන් පලයන් තෝ ගෙදර මම එන්නෙ නෑ…

ආ එහෙමද එහෙනම් එළ මචං..මම මේ කාණුවක වැටුනා මචන්….

ඔන්න ඔහොම හෙන කථාවකට පස්සෙ පට්ට අමාරුවෙන් තමයි මූ ලව්වා ෆෝන් එක තිබ්බවාගත්තෙ.

දැන් මාසෙකට විතර කලින් අපේ මද්දා බැන්දා.උගේ හෝම් කම්න්ග් එකට ගියපු කිරියා මුලින්ම කරේ ගෑණු ටික මඟ ඇරලා බොන්න ගියපු උන්ව දැකලා මූ ඒ කෙල්ලො ටික එක්කරන් ගිහින් අරුන් බොන තැනට..

එතන එක ජංජාලයයි.කොල්ලො අම්ම මෝ නැතුව බනිනවා කිරියට.

ඕන් මුගෙ විචාර බුද්ධියේ තරම.

මේ ඔක්කොම කෙලි කරලා ගැලවිලා මුකුත් නොදන්නවා වගේ ඉන්න කිරියගෙ තියෙනවා පොරට ආවේණිකම defence mechanism එකක්.

ඒ තමයි මූට ඒ වෙලාවට මුකුත් ඇහෙන්නෑ වගේ ඉන්න එක.කොටින්ම බනින්න නෙවී නිකම් කථාවට මුගේ කණට කරලා කෑ ගහල කීවත් මෙලෝ සංසාරයක් ඇහුන්නෙ නෑ වගේ ඉන්නවා කිරියා.

එහෙම තමා මෙච්චර හරියක් කරලා කිරියා තාම අපෙන් ගැලවිලා හිත් අමනාපකමක් නැතුව ඉන්නේ.

ප.ලි:- පොඩි අලුත් වැඩකුත් පටන්ගත්තා.php ඉගෙනගන්න ආසා කට්ටියට මුල ඉඳලම කියලා දෙන්න.කැමති අය ඉන්නවනම් පොඩ්ඩක් ඔළුව දාල බලලා යන්න..php සිංහලෙන්

මේ බොලොගේ පටන්ගත්තා කියලා දැන ගත්තට පස්සෙ යාලුවෝ අහන්නෙ අඩේ මම ගැන ලියල නෑ නේද උඹ කියලා..ඔය කලින් එක යාලුවෙක්ගෙ කෙරුවාවක් ලියලා තියෙනවනෙ..මේ ඒකෙම දිගුවක්..අපේ සෙට් එකේ යාළුවන්ගේ විස්තර.

කිරියා කියන්නෙ අපේ කට්ටියගෙන් ඉන්න හිත හොඳම එකෙක්.ඒ වුනාට අව්ලකට තියෙන්නෙ පොරම වෙලාවකට මෙලෝ සංසාරයක් නොතේරෙන එක තමයි.

මෙන් පොරගෙ වැඩ කිඩ ස්වල්පයක් පොරගේම හඬින් කියවලාම බලන්නකො.

මචං පට්ට චූ බරක හිටියෙ බං.මම කෙලගෙන ගියා මචං.දෙපැත්තෙම කෙල්ලෝ සූ ගාලා.උනුත් හිනාව දාගෙන හිටියා.මාත් සැරට ගියා දන්නවනෙ ඉතිං ආයෙ.ගිහින් බැලුවා හිටගෙන කරන ඒවා එකක්වත් නෑ.කෙලින්ම ගිහින් දොර තියෙන එකක දොර වහගත්තා.අප්පට උඩු ටික්කින් තමා බං මීටර් වුනේ මේ ගිහින් තියෙන්නෙ ගෑණු ටොයිලට් එකට කියලා.මම එහෙමම හිටියා ඉන්ටවල් ඉවර වෙනකම්ම බන්.කව්ද යකෝ දන්නෙ මේවා ගෑණු ඒවද නැද්ද කියලා අපි මොකෝ කලින් රොටරියට ගිහින් තියෙනවායෑ.

හිතාගන්න පුලුවන් නේද පුත්‍රයාගෙ තරම.

මේං අනිත් සීන් එක.මේ ඊයෙ පෙරේදා වුනේ.

මම වැඩ ඇරිලා බෝඩිමට එනකොට මේසෙ උඩ කෑම එකක්.දවල් ගෙදර හිටියෙ කිරියා විතරයි.ඕකගෙ හැටි ඉතින් ආයෙ මට කියලා දෙන්න දෙයක් නෑ නොවැ.මම දන්නවා අමතක වෙලා කියලා.ගත්තා පොරට කෝල් එකක්.

මචං කෑම එකක් මේසෙ උඩ තියෙන්නෙ මොකෝ බං.

මේන් පොරගෙ උත්තරේ.

ආ බං ඒ මම මේ දවල් වෙලානෙ කන්න ගියෙ.ඉතින් උදේට එකකුයි දවල්ට එකකුයි දෙකක් ගෙනාවා.මම එනකොට බඩගිනි තිබ්බෙත් නෑ බං.ඉතින් මම ඕක තියලා ආවා.

මට ඉතිං…. මේකා පිලිගත්තෙම නෑ නොවැ මූට අමතක වෙලා කියලා.

එක මම ඔය ඇහුවමයි දවල්ට කඩේට ගිහින් උදේටයි දවල්ටයි කෑම දෙකක් ගේන එකෙක්.ඕන්න උදේටයි දවල්ටයි කෑම එකක්නම් කනවා.

අනික මේ යකා මේක හොඳට පාර්සල් කරල බෑග් එකකට දාල බඩගිනි නෑ කියලා තියලා ගියපු එකනොවැ අනිත් වැඩේ.

කස්ටිය කලින් ලියපු මේක බලලා තියෙද?ඔය සෙල්ලමේ Bench mark එකක් තියපු එකෙක් තමා මේ කිරියා.මෙතුවල් කල් කවුරුත් අනුගමනය නොකරපු ක්‍රම හඳුන්වා දුන්නෙ කිරියා.

ඔන්න දවසක් හම්පඩ ඩෙනිමක් ඇඳන් ගියපු එකා එනවලු හොස්ටල් එකට පට්ට අලුත් ඩෙනිමක් දාගෙන.කට්ටියම ඉතිං දන්නවානෙ මේක උස්සලා කියලා.එකෙක් ඇහුවලු

කෝ බං ඇඳන් ගියපු එක?

ආ ඒක මම නවලා තියලා ආවා කීවලු.කට්ටියට ඉතිං මාරයා.ඇයි යකෝ තෝ කරන්නෙ අපිට කෙලවන්නද කියලා බැනල යන්තම් ආයෙ යවලා පරණ ඩෙනිම ඌට කියලා හොරකම් කෙරෙව්වලු.කොහොමද කිරියගෙ සීන්.තමන්ගෙම පරණ ඩෙනිම කඩේකින් හොරකම් කොරපු එකෙක් මේ සම්මජ්ජාතියේ ඇති කියලා මමනම් හිතන්නෑ.

ඔය මොනා වුනත් කොල්ලා ඉගෙනනීමට බර ඇති කියලා හිතෙනවද?මෙන්න කිරියගෙ අධ්‍යාපන සුදුසුකම්.

O/L රිසල්ට් බලන්න යනකොට මෙන්න බොලේ අහම්බෙන් වගේ කිරියත් ඒ ජොයින්ට් එකටම ඇවිත් රිසල්ට් බලන්න කියලා.බැලුවම දෙන්නටම A3 යි තිබ්බෙ.

ඔන්න රිසල්ට් එහෙම බලාගෙන හොස්ටල් එකට ආවම කස්ටිය බලා ගත්ත අත බලාගෙන ඉන්නවා.දන්නවනෙ ඉතින් ඔ/ල් රිසල්ට් ආවම කොල්ලන්ගෙ මූණු කොහොමද කියලා.

ඒ අස්සෙ එකෙක් කියනවා අඩෝ කිරියනම් සිරා පොරක් බන් බලපන්කො A8ක් අරන් කියලා.මම තක්බීර් වුනා යටි හක්ක පොළොවෙ හැපුන්නැති ටික විතරයි.පිස්සුද බං ඒකට A3යි.මාත් එක්කමෙ ගිහිල්ලනෙ බැලුවෙ.අම්මට උඩු කොල්ලො @#$!@%&*%$….

ඔය ස්කෝලෙ කාලෙන පස්සෙන් පහු කිරියා මාත් එක්කම ඩිග්‍රිය කොරන කාලෙ අපි ගියා IDH පැත්තෙ පොරකගෙන් සයිට් හඳන්න ඉගෙනගන්න.ඔනන් ඉතින් මාස 4කට වඩා ගෑටුවට පස්සෙ දවසක් හදන එකක පොඩි අවුලක් ඇවිත් මම කිරියට කිව්වා අඩේ මචං මේක පොඩ්ඩක් බලන් වරෙන් ගිහින් කියලා.අපරාදෙ කියන්න බෑ කොල්ලා දවසක්ම ගිහින් හඳන් ආවා.

හවස මම බලනකොට site එක ලොන්ත වෙලා.image එකක් රිපීට් වෙලා.මම කිව්වා මචං උඹ මේ ඉමේජ් එක රීසයිස් කරේ නැද්ද බං කියලා.

නලියා දුන්න සුපිරි උත්තරයක්.

අනේ මට තේරෙන්නෑ බං ඔය මඟුලෙ html…

හුටා අපේ වෙබ් සිහිනයට කෙළ වුනා.

යකෝ මේකට මේක තේරෙන්න මාස 4ක් ගියාද???

අනික නලියගෙ ඉංග්‍රීසි.මූට බැරි කමක් නෑ හොඳට පුලුවන්.වැඩේ කියන්නෙ ඉඳල හිටලා මූගේ අර අවුල ඉංග්‍රීසිවලටත් ගහනවා.

මූයි මායි කාලයක් වෙබ් සයිට් එකක් හඳන්න කියලා හොරණ පැත්තෙ ගෙදරක හොඳට කාල බීලා හිටියා.ඒ අන්කල්ට ඕනි වුනේ wildlife සයිට් එකක් කරන්න.මේන් දවසක් රෑ ඉමේජස් බලන වෙලාවක මූ අන්කල්ට කියනවා.

අන්කල් ලියෝපැස්ඩ්ස්ලා සර්ච් කරානම් හරි කියලා.

අන්කල්ල පිස්සු වගේ වුනා මූණ අමුතු වුනා.

කිලියෝපැට්‍රා ඒ අහවල් එකකටද?

අන්කල්ට හිතෙන්න ඇත්තේ මූ වැලක් සර්ච් කරන්න කියනවා කියලද මන්දා …සංසාරේ..

නෑ නෑ අංකල් අර ලියොපැඩ්ලා…

ආහ් මේ ලෙපඩ්ලා කියලා අන්කල් ලොවෙත් කින්ඩි හිනාවක් දැම්මා..මටත් එක්ක විලි ලැජ්ජාවේ බෑ.මේ යකා නොදන්න මඟුල් වලට කට නොදා ඉන්න හැටි..

ඔහෙ ඉන්න කාලෙ දවසක් අන්කල් නස්තා වෙන්න ගහල ඇවිත් අපිට මෙහෙම ටෝකක් දුන්නනෙ.

ඔය පුතා හෝටල් කාරයෝ ඉන්නවවනෙ.ඕකුන් හරියට ෂර්ලොක් හෝම්ස් වගේ මස් රාත්තලමයි ඉල්ලන්නෙ…

හි හි මට ඉතින් ලොවෙත් ආපු හිනාව ගිලලා තව ටිකෙන් මැරෙනවා.

පොඩ්ඩක් දිග වැඩි වුනා නොවැ.ආයෙ පස්සෙ වෙලාවක කිරියගෙ ඉතුරු කථා ටිකත් ලියන්නම්කො..

මේන් ෆොටෝ හොයාගත්ත තැන්.

itsyowyow.com

crazytownblog.com

කාලෙකට පස්සෙ ඔන්න ආයෙමත් චාන්ස් එකක් ආව දෙයියනේ කියල නිදහසේ පෝස්ට් එකක් දාන්න.පහුගිය දොහේ ඔෆීසියෙන් බ්ලොග්ස්පොට් ,වර්ඩ්ප්‍රෙස් තහනම් කරලා දාල තිබ්බ නිසා හරිහමන් වෙලාවක් අහුවුනේම නෑ පෝස්ටුවක් දාන්න.හවසට වැඩට එන නිසා මහ රෑ ජාමෙ ගෙදර ගියාට පස්සෙ ආයෙ කොහෙද බ්ලොග් කෙරුවාවට ඉඩක්.

හරි හරි අටුවා ටිකා ටිප්පනි ඔනි නෑ කථාව පටන්ගමු නේද.

මේක වුනේ මට මතක හැටියට 2005 ඒ කියන්නෙ අපි දෙවෙනි පාරට කැම්පස් යන්න හිතන් විභාගෙ කොරපු කාලෙ.

ඔය කාලෙ අපේ කස්ටියගෙන් හෙන ගැන්සියක්ම නැවතිලා හිටපු තැන තමයි මිරිහානේ බෝඩිම.හෙ හෙ ඕනි තරම අපේ එවුන් ඕකෙ ඉදලා ඇති ඉහේ කෙස් ගානට…

ඕන්න දැන් විභාගේ ටික ටික ලං වෙන්න වෙන්න අපේ කස්ටියගෙ ඉවසීම බොහෝම දරුණු වීගෙන යනවා.මොකෝ ඉතින් ක්ලාස් ගිහිල්ල පාඩම් කරපු එකක්යැ.අවමෙන් කියනවනම් ක්ලාස් වත් ගියායැ.ඒ අවුරුද්දත් කරේ කලින් අවුරුද්දෙ වගේම “අප්පමාදෝ අමතපදං” තමයි.ඕව බොලව් අපිට කියල දුන්නෙ ස්කෝලෙන්ම තමයි.මොකෝ බොරුද මම අහන්නෙ??

ඔන්න දැන් දැන් කට්ටියටම විභාග භීෂනේ දැනෙන කාලේ.අනේ මගෙ දෙයියනේ ලංකාවට හෙන නියඟයක් දෙන්න,ගංවතුර ගලවන්න,බෝම්බ ගස්සන්න විභාගේ තියාගන්න බැරිවෙන්න මොකක් හරි කරලා දෙනන කියල කන්නලව්ව පටන් ගන්න කාලෙ.එක්කොත් මාව වැටියන් තුවාල වියන් අතක් කැඩියන් ඔන්න ඕව එහෙමත් හිතෙනවනොවැ විභාගේ මඟාරින්න හිතුනම.

ඔන්න ඒ පාර අපේ එකෙකුට කල්පනා වුනා බොලව් එකනෙ මරුම වැඩේ මම අත කඩාගන්නවා කියල.

ඇහ්:… අපි තිෂ්නිම්භූත…

නෑ නෑ යකොව් බොරුවට දානවා අතට ගල් බැන්ඩේජ් එකක්…

ආයෙ ඉතින් විභාගෙ ලියලා ඉවරයි.හෙහ් හෙහ්..

පිස්සුද බං අපි කොහොමද ඕව දාන්නෙ අපි දන්නවද යකෝ ඕව දාන්න..

පිස්සු ඉදපන් මම කියල දෙන්න කියල මේක අපිට ෆුල් ශාස්ත්‍රීය දේෂනයක් දුන්න ගල් බැන්ඩෙජ් පරම්පරාව ගැනම.වෙන මොකවයින්වත් නෙවී බොලව් පළපුරුද්ද පළපුරුද්ද ඕකගෙ කලිනුත් අත කැඩුනනෙ සෙල්ලම් කරනකොට..

ඔන්න ඉතිං කොහොමෙන් කොහොම හරි අපිත් එකඟ වුනා වැඩේට.
හවස් වරුවෙ නුගේගොඩට ගිහිල්ල බැන්ඩේජ් ප්ලාස්ටර් ඔෆ් පැරිස් , පුලුන් වගේ අවශ්‍ය කලමානා ටිකත් ගෙනාවා.වැඩේ පටන් ගත්තෙ රෑ වෙලා. හොර වැඩ රෑ වෙලාම කොරන්නෙ ඇයිද කියලා අදටත් මටනම් ප්‍රශ්ණයක්.හික්.. 🙂

කට්ටිය ආධුනික වුනාට මොකද පැයක විතර මෙහෙයුමකින් පස්සෙ ලස්සන ෆිනිශිං එක්කුත් එක්ක ගේම දුන්නා.දැන් හරි බොලව් උරමු බටයක්..

හුටා යකෝව් කෝ සිගරට්..අඩේ බංකරයක් හරි තියේනම් දියව් කියලා කස්ටිය ගජරාමෙට හොයනවා.මොන..එකක්වත් අහුවුනේ නෑ නොවැ කරුමෙට.නිකමට හිතලා බලපල්ල කොල්ලෝ තොගයක් ඉන්න තැනක මේ වගේ සීරියස් වැඩකින් පස්සෙ බොන්න සිගරට් එකක් නෑ කිව්වම.ඇඩෙනවා.

අඩෝ රම්බා ඇඹුල්දෙනියෙ කඩේ මේ වෙලාවට ඇරලද බං?

මම කොහොමද දන්නෙ බං සමහර විට ඇරලා ඇති යමන් ගිහින් බලමු..

ඔන්න දැන් අපි කස්ටිය බෝඩිමේ තාප්පේන් පැනල එහෙම පයින් යනවා ඇඹුල්දෙනියට.ඔව් ඔව් අත කැඩිච්ච එකත් ආව තමයි අමාරුයි අමාරුයි කියන්නැතිව.

හපොයි කියන්න අමතක වුනානෙ මේ කාල චන්දයකුත් ඔන්න මෙන්න කාලෙ පාරෙ හැම තැනම පෝස්ටර්ද අරවද මෙවද පිරිල.ඔන්න එක පාරටම පොලිස් ජීප් එකක් අපිව පහු කරන් ගියා.අපේ මොකෝ බොලව් අපි වරදක් කරලයැ.අපි පාඩුවේ ගියා ගමන.

අනේ සංසාරේ කරුමෙක මහත මෙලෝ බලු බල්ලෙක් නෑ ඇඹුල්දෙනිය හන්දියේ.කඩත් තිබ්බ වහල දාලනම්.හුහ් අපි පරදියි හැරුනා අනිත් පැත්තට යමව් නුගේගොඩට.

කස්ටියම ආපහු නුගේගොඩට යන ගමන පටන් ගත්තා.අම්මපා සිගරට් එකක් හින්ද කොල්ලො කොච්චරනම් කට්ට කනවද කියල මතක් වෙනකොටත් පුදුම දුකක් හිතට දැනෙන්නෙ..යන්තම් ගාටලා ගාටලා නුගේගොඩට සේන්දු වුන කස්ටියම බඩකට පුරා පරාටා සප්පායම් වුනේ ඇවිද්ද දුක තුනී වෙලා යන්නත් එක්කම.

ඊට පස්සෙ ඉතින් කොහෙද බොලව් ඉස්සර ඔය තිතට මත සීන් එකක් තිබ්බෙ නෑ නොවැ.කඩේ අස්සටම වෙල ලෝර්ඩ් පකීර්ලා වගේ ගෝල්ඩ් ලීෆ් ගැහුවා අර තිබ්බ සංකාව නැති වෙනකන්ම.
මදි පාඩුවටත් සිගරට් ස්ටොක් කරගත්ත අපි ආපහු ඔන්න මිරිහානේ බෝඩිමට පයින් යන මහා සංග්‍රාමය දියත් කරා.

ඔය මිරිහානට යන අතරමග තමයි ජුබිලි කණුව තියෙන්නෙ.ඔන්න ජුබිලි කණුව හන්දියේ තියෙනවා බිම දැම තැනම විසි කරලා දාපු ජන්ද පත්‍රිකා.දුකේ බෑ අපේ ග්‍රේරු සර්ගෙ ඒවත් තියෙනවා බොලව්.මෙහෙව් දේවල් වලට ඉඩ දෙන්න පුලුවන්ද අපි ජීවත්ව ඉන්නකම්.අපි හිතේ දුකටත් එක්ක සර්ගෙ ජන්ද පත්‍රිකා ටිකකුත් එක්කහු කොර ගත්තා.

සිගරට් පාරකුත් උර උරම ගිය අපි මිරිහාන පොලිසිය පහු කරලා තියෙන කන්ද නැගල ඉවර වුනා විතරයි අපි හැරෙන්න ඕනි ගල්වල පාර පෙනි පෙනීම නැවැත්තුවේ නැද්ද බ්‍රාස් ගාල පොලිස් ජීප් එක.

දන්නවනෙ ඉතිං ලංකාවේ පොලිස් මාමලාගෙ සෙල්ලම් බැස්ස ගමන් මාවයි ළඟ හිටපු එකයි දෙන්නගෙම ඔළු වලින් අල්ලලා හැප්පුවේ නැද්ද තරු පේන්න.අපි එකෙකුටවත් හිතාගන්න දෙයක් තිබ්බේ නෑ.ලොවෙත් සඳ පෝරියල් එකක් දුන්න පොලිස් මාමාල ර්‍රට පස්සෙ තමයි අපෙන් විස්තර අහන්න ගත්තෙත්.

අපේ හත්මුතු පරම්පරාවෙම මළ ගිය ඤාතීන් සිහි කරන්න තරම් මතකයක් තිබ්බ උන්නැහෙලා ටික අපේ අතේ තිබ්බ ග්‍රේරු සර්ගෙ ජන්ද පත්‍රිකා ටික සමඟ පුදුමාකාර වෛරයක් පෙන්නුම් කරා.යන්තම් වැදලා කිවට පස්සෙ තමයි උන්ටත් තේරුනේ මේවා අපිට උගන්වන සර්ගේ අපි හිතේ දුකට ගෙදර අරන් යන්නෙ කියලා.

ඊට පස්සෙ කස්ටියවම ජීප් එකට දාගත්ත මාමලා අපිට අමු තිත්ත කුණුහරුපෙන් සංග්‍රහ කොරන ගමන්ම තව වට ටිකක් වත්ත වටේ කැරකිලා අපිව බෝඩිමට දාන්න තරම් කාරුණික වුනේ අහවල් රෙද්දකටද කියල මටනම් හිතාගන්න බෑ.හික් හික්.

බෝඩිම ළඟටම යන්න බැරි ජීප් එක මඟ නතර කරපු මාමාලා අතරින් එක පොරක් මාවත් ඇඳගෙන ගෙදර වුන්ට අපිව බාර දෙන්න ගියා.අනිත් වුන් තාම ජීප් එකේ.මම ගැහි ගැහී ඌත් එක්ක යනවා.යනවා කීයට ඇඳගෙන යනවා බොලව්..

හුටා කෝ බොලව් මේ ගේට්ටුව ඇරෙන්නෑ නොවැ.ඒක ලොක් කොරලා.

මම අහිංසම බැල්මක් දැම්ම.

තොපි ගිහිල්ලා තියෙන්නෙත් ගේට්ටුවෙන් පැනල බල්ලො.ගිය විදියටම ඇතුළට ගිහින් ඇරපිය ගේට්ටුව.

මමත් ඉතිං මගෙ අතේ තිබ්බ දු.ක පොරට දීල ගේට්ටුව තරණය කරන්න හඳනකොට මම දැක්ක පොලිස් කාරය පොඩ්ඩක් ගැස්සුනා.ඇයි බොලව් අපි වගේ හින්නිකිතර පොඩි එව්වො ගාව දු.ක ක් තියෙනවා කියන්නෙ ඒ කාලෙ හැටියට අපිත් සැලකිය යුතු පොරවල් වෙන්නැති කියල පොරට හිතෙන්නැති.

කෙලින්ම අපි හිටපු උඩ තට්ටුවට ගියපු පොර එක දොරක් පෙන්නලා මේක අරිනවා කියපි.හත් දෙයියනේ අපි අරූගෙ අතේ ගල් බැන්ඩේජ් එක දාපු කාමරේ.මේක ඇරිය කියන්නෙ අපි හැමෝම ගස් කියල ගැහි ගැහී මම දොර අරින්න හැදුවා.මොන … ම්ම්ම්ම්හු.. මරු අඩේ දොර ලොක් කරලා.ලොක් කරපු දොරක් නිසා එච්චර සතුටක් මට මේ තාක්කල්නම් හම්බෙලා නෑ.

බෑනෙ ඇරෙන්නෑ.ලොක් කරලා.. යතුර ඇත්තෙ අර ජීප් එකේ ඉන්න කෙනෙක් අතේ තමයි

මම ෆුක් ගටෙන් කීවා..
හ්ම්ම් කමක්නෑ එහෙනම්..

යමන් යටට කියපු පොර මාවත් ඇදන් පඩිපෙල දිගේ පල්ලෙහාට ගියා.
බෝඩිමේ ඇන්ටි නිදන කාමරේ ළඟට.

මාත් ඉතින් ඇන්ටී ඇන්ටී කියල කතා කොරල නොදන් හිටපු ඇන්ටියි අන්කලුයි ඇහැරවා ගත්තා

ඒ දෙන්නා ලොවෙත් බයවෙලා.ඇයි යකඩෝ මහ රාත්‍රීයේ ඇහැරලා බලනකොට කොස්සෙක් ගේ අස්සෙ ඉන්නව දැක්කම අප්සට් නොයන්නෙ මොකාටද..

මූ ඒ පාර ප්‍රශ්න අහනවා ඒ දෙන්නගෙන්.

කී දෙනෙක් ඉන්නවද..බ්ලා බ්ලා බ්ලා…

ඊ ගාවට අත කැඩිච්ච කෙනෙක් ඉන්නවද?

ඈහ් ඇන්ටිගෙ කට හොඳටම ඇරුනා..

ඇයි ඇන්ටි අර ___.පොරගෙ අත ආයෙම කැඩුනනෙ…

ආහ්..

කොහොමින් කොහොම හරි අපිටයි ඇන්ටිලාටයි අවවාද පාරක් දාපු පොලිසිය යන්න ගියා..

හැබැයි ඊට පස්සෙ අහන්න වුනු මෙන්න මේ කථා දෙක මටනම් තාම හිතාගන්න බෑ.

1.මම බෝඩිම පෙන්නන එන අතරෙ ජීප් එකේ හිටපු වුන්න පොලිසියේ එකෙක් කියලා අපි දැක්ක උඹල කලිනුත් යනවා ඇඹුල්දෙනියට තොපි කන්න ගියේ කියලා දන්නවා තොපේ වැරැද්දකුත් නෑ කියලා දන්නවා කියලා..

ඇයි යකෝ එහෙනම් මොන රෙද්දකට අපිට වද දුන්නද…@#$@#%&

2.පහුවදා ආපු ඇන්ටි.

බලන්න පුතා මේ පොලීසියේ මිනිස්සුන්ගෙ වැඩ.මම සමහර දවස්වලට ඇදුම් නැතුව නිදාගන්නෙ.ඊයෙ යන්තම් ඇදන් හිටියා.එහෙම නැතුව හිටපු දවසක එහෙම ආවනම්….

හපෝයී…@#$$%^$&