හොස්ටල් එකේ උඩ තට්ටුවේ දකුණු කෙළවරේම තිබ්බෙ 11 වසරෙ කට්ටියගෙ ඩෝම් එක.ඊට මෙහායින් 10 වසරෙ කස්ටිය.

ඔය හැම ඩෝම් එකක් ඉස්සරහින් දිගටම කොරිඩෝ එක තියෙනවා.

ඒ ඒ ඩෝම් එකට අදාල පොදු කණ්ණාඩිය තියෙන්නෙ මේ කොරිඩෝ එක තියෙන කණුවකට හයිකරලා.

මේ කියන සිද්ධිය වෙද්දි රම්බා 10 වසරෙ.

දහය වසර කියන්නෙ ඩිංගක් කරදඩු උස් මහත් වෙලා උගුරු ඇටේ එලියට පෙනිලා එහෙම මදන විසේ ගහලා ඉන්න කාලෙනෙ..

ඔය දවස්වල 11 වසරෙ හිටියා අයියලා 3 න් දෙනෙක් හවසට හවසට යකඩ එක්ක හැප්පිලා ඇඟ මහත්කරගන්න දඟලපු.

ටික කාලයක් මෙහෙම ගියපු කට්ටියගෙ යන්තම් පොඩ්ඩක් මස් පිම්බිලා ආවම කස්ටිය බොරු පඩ ශෝ එකක් දාන්න පටන් ගත්තා ඔය කියපු කණ්නාඩිය ඉස්සරහට වෙලා.

හවස 4,5 වෙනකොට මුන් 3න් දෙනාම ඇඟවල් වල තෙල් උලාගෙන කණ්ණාඩිය ඉස්සරහට ඇවිල්ලා එක එක විදියට ඇඟ පෙන්නන පටන් ගන්නවා.

හරියට නිකන් අපි සල්ලි නොගෙවා අයෝමය පුරුෂයා තරඟයක් බැලුවා වගේ.

මේව බලලා කාල ඇඳල ඉන්න පුලුවන් වයසක නෙවීනෙ අපි උන්නේ.

ඊළඟ රසික හවුලෙදි සුපිරි වැඩක් දෙන්න ප්ලෑන් කරා.

මේකටම හරියන සුපිරි පොරක් හිටියා.නම නුවන්.ගම අනුරාධපුරේ කියලා කියමුකෝ.පොරගෙ ඒ දවස්වල පුදුම දක්ෂකමක් තිබ්බා ඔය උරහිස පිටිපස්සෙ තියෙන කෑල්ල(උරපත්ත) එළියට පුම්බලා පෙන්නන්න.. ආයේ ඉතින් කියලා වැඩක් නෑ සෝමාලියා එවුන් පරාදයි එයාකාරයට උගෙ කටු බොඩිය පන්නලා ගත්තම.

මේ දවස් වෙද්දි ඔය රසික හව්ල දියුණු වෙලා මුලින් වගේ කෑම කාමරවල නෙවි තිබුනෙ.කුළරත්න හෝල් එකේ තමා තිබුනෙ.

ඒ තීරණාත්මක දවස උදාවුනා.රම්බා සහ මීයා තමා මේ අංගයේ නිවේදන කටයුතු.නුවන් අපේ කටු බොඩි අයෝමය පුරුෂයා.නියමාකාරයට උගේ ඇගේ තෙල් උලලා ස්ටේජ් එකට නග්ගලා දුන්නා සුපිරි වැඩක් මුලු හොස්ටල් එකටම උඩින් යටින් නහයෙන් කටින් හැමතැනෙන්ම හිනාවෙන්න.අවාසනාවකට ඒ කාලේ පොටෝ ඇල්ලිල්ලක් නැති නිසා ඒ මතකයන් හිත්වල විතරක් ඉතුරුවෙලා.

මෙහෙම ගේම දීපු කට්ටියම ඩෝම් එකට ඇවිත් නිදාගත්තා.

ටික්කින් ඇහෙනටා දෆ්ඩ බඩාං අයියෝ බුදු අම්මෝ ගහන්න එපෝ එකී නොකී මෙකී සද්ද.

බැලින්නම් මෙන්න 11 වසරෙ උන් පැනලා නුවනයයි මීයටයි විතරක් නෙවී අපේ ඔක්කොමට පෙරළගෙන ගහනවා.

මම විතරක් යන්තම් ගැලවුනා මොකද මට ගහන්න ආපු 11 එකා මාත් එක්ක එකට කරාටේ ප්‍රෑක්ටිස් කරණ නිසා අපි දෙන්න හොරෙන්ම සාම ගිවිසුමක් ගහගත්තා.

මේ වෙනකොට ජනේලෙන් පිටට පැනලා අපිට ගහනවා කියන පණිවිඩය වොර්ඩ්න් වෙත ගෙනගිය(10ක් විතර අල්ලගන්න පස්සෙන් එළවද්දි ) රසිකයා නිසා යන්තම් කට්ටියම අතක් පයක් කඩා නොගෙන ගුටි කෑමෙන් පමණක් සෑහීමකට පත්වුනා.

හොඳම කෑල්ල වුනේ අපි හීනෙකින්වත් අනුමාන නොකරපු දෙයක් 11 වසරෙ එකෙක්ගෙ කටින් මෙහෙම පිටවුන එක.

අඩෝ තොපි තුන් දෙනක් ස්ටේජ් එකට නැග්ගේ අපි තුන් දෙනාට කින්ඩියට නේද යකෝව්…..

එතකොටයි අපිට ඒක මතක්වුනේ.අපිට අරුගෙ කටු බොඩිය විතරක් පෙන්නන ඕනි වුනාට නොදැනීම අපි 3න් දෙනෙකුත් වැඩේට බැහැලා.

Advertisements
Comments
  1. අඩේ බලාගෙන ගියහම පුදුම එවුන් නේ දලා තියෙන්නේ. ඊට පස්සේ උන් සෙට් එක ආයෙම අයෝමය පුරුශයා සෝ පෙන්නන්ඩ ගියේ නැද්ද ?

  2. Gold fish says:

    මගෙ හිත නම් කියන්නෙම උඹත් ගුටිකන්නම ඇති කියලා බං… 😀

    • ඕකනෙ බන් කියන්නෙ උඹලත් එක්ක බෑ කියලා.මෙහෙමයි මාව ඇහැරවන්න එකෙක් එකක් ගැහුවා එච්චරමයි.සත්තයි ..

  3. Charaka says:

    යකෝ මේ රසික හවුල ඇතුලේ උන්ව නොන්ඩි කලහම උන්ට මල පනින එක සාධාරණයි..
    බ්ලොග් එකේ නොලිව්වට රම්බා ත් ගුටි කෑවා මගේ හිතේ..

  4. Charaka says:

    මිරිස් අඹරන්න ගියාට රම්බා ගේ පිටේ තියන මතක සටහන් එදා රෑ කතාවම විස්තර කරනවා…..

  5. අනේ එහෙම කාලයක් කියලා හිතෙනවා මේවගෙ කතා කියවද්දි. 🙂
    ඇහුවට කමක් නැත්නම්, සිතුවම් ආනන්දෙද?

    • හෙ හෙ ඒකට මක් වෙනවද?අනික මම Dude ටාගට් කරලමයි ඒක දැම්මේ(කුලරත්න හෝල්).හික් හික්.මට හිතුනා ඕක අනිවා අහයි කියලා.මොකද Henry නාලන්දෙ කියලා පෝස්ට් එකක් ළඟදි දාල තියෙනවා මම දැක්කා. 🙂

  6. හඩේ අප්පේ මෙහෙත් රම්බෙක් ඉන්නවනේ, මරු ඈ….ගහට ගහක් මොරටුවේදී මුණගැහෙනවා කියනවනේ. එහෙත් රම්බෙක් ඉන්නවා. හෙහ් හෙහ් හෙහ්

දාල යමු දාලා යමු කොමෙන්ටුවක්

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s