හුළඟ දරුණුවටම ඇල්ලුවේ නැතිවුනත් මොකද කුඩේකින්වත් පාරෙ බැහැලා යන්න විදියක් තිබුනෙ නෑ.කැඩි කැඩී එන හුළඟ හිරිකඩවලින් මුලු සර්වාන්ගෙම තෙත් කලේ ඇඳුම් ඇඟටම අලවමින්.

තෙත රෙදි ඇතිල්ලෙද්දි දැණුන අපුල ගතියත් එක්කම ප්‍රදේශය පුරාම තිබ්බ ගොම ගද ඒ අපුල බව තවත් වැඩි කරා.වෙනදට මේ වැස්සට වෙල් යායෙන් එන හිත පිරෙනකම් හුස්මක් උඩට ඇදල හිරකරන් ඉන්න ඒ පුස්ඹ මැකිලා ගිහිල්ල කියල ක්ෂණික සිතුවිල්ලක් අසංකගෙ හිතට ඇවිත් එහෙමම වැස්සට හේදිලා ගියා.

උසාවියේදි තමන්ට උන ඒ මදි පුංචිකම් හැම එකකටම හේතුව තමන්ගේ අවංකකමද නැත්නම් තමන්ගෙ සබකෝලයද කියන එක අසංකට මේ වන තෙක් හිතාගන්න බැරි වෙලා හිටියේ.

මිනිස්සු කිහිප දෙනෙක් ඉන්න තැනකවත් උස් හඬකින් කථා කරන්න බැරි තරමෙ නොහැකියාවක් තමන්ට ඇති වුනේ කොහෙන්ද කියලා මතක් කරගන්න උත්සාහ කරපු අසංකගෙ නළල රැළි වැටෙනවාත් එක්කම වැහි බිංදුවක්ද මන්ද නෙත් කෙවෙනි වලින් පිට පැනල ලුණු රසට අසංකගෙ දෙතොල්වල වැදුනා..

තමන්ට වඩා අවුරුදු 2ක් විතර බාල නෑනා ඉන්න මොන්ටිසෝරියට තමන් මුලින්ම ගිය දවස අසංකට මතක් වුනා.තමන් මේ ගම් පළාතට අලුතෙන් ආව නිසා එදා තමන් පංතිය ඉස්සරහා සිංදුවක් කියන්න දෙන්න කියලා ඉල්ලපු ඉල්ලීම ප්‍රතික්ෂේප වුන හැටි අසංකට මතක් වුනා.

ඒ වෙනුවට ඒ අවස්ථාව මොන්ටිසෝරියේ ටීච දුන්නෙ අසංකගෙ නෑනාට.

පුංචි කාලෙම තමන්ට වුන ඒ දේ තමන්ගෙ පෞරුෂය විනාස කරන්න අඩිතාලම බව ඔහුට පසක් වුනා..

ඉන් පසුව තමන්ගේ හිතේ වැඩිහිටියකුට අදහසක් පළ කිරීමට තිබූ බියේ උච්චතම අවස්ථාව වූයේ ඉතා අධිකව අසනීප වී සිටි ගෙදර සැදූ සුරතල් බල්ලා මළා යයි සියල්ලන්ම උපකල්පනය කළ දාය.එයට හෙතුව වූයේ බල්ලා හුස්ම ගන්නවා නුදුටු අසංක ඒ බව දෙමව්පියන්ට දැන්වීමය.

දෙමව්පියන් බල්ලා වැලලීමට කුලී කාරයෙකුට පවරූ පසු ඔහු විසින් වල ලෑමට මොහොතකට පෙර බල්ලා තමන් දෙස හෙලා නගුට වැනූ හැටි අසංකගේ හදවත කීතු කීතු කළේය.

මේ ආකාරයෙන් හුදකලී වූ සිතත් සමඟ සිටි අසංක ඉන්පසු දෙමව්පියන් සමඟවත් කිසි දෙයක් නොකීමට පුංචි සන්ධියේ පටන් පුරුදු විය.

මේ ආකාරයෙන් පෞරුෂය ගරා වැටීමකට ලක් වුයේ පුංචි සන්ධියේ හැමදේටම ඉදිරිපත් වුන තමාමද යන්න තවමත් අදහා ගන්නට අසංකට නොහැකිය..

අවසන සිදු වීයේ ජීවිතයේ කවරමදාකවත් තමන්ට ආදරය අත් විදීමට නොහැකි වීම නේද යනුවෙන් අසංක අවසන් නිගමනයත් කලේය.

චික් මේ වතුරෙබලු ගූත් ඇති.ක්ෂණිකව ආ ඒ සිතුවිල්ල ඔක්කාරයක් තරම් දික් ගැස්වීමට එතරම් වේලාවක් ගත නොවිනි.

ඇඟිලි කරු කසනවාක් මෙන් හැඟීමක්ද ඒ සමඟම වාගේ පිට පැන්නේ ගාල් කඩා ගත් හරකෙක් දිව එන්නා සේමය.

දෙමව්පියන්ට එරෙහිව හඬක් නැගීමට තරම් පෞරුෂයක් නොතිබූ තමාට අවසන විවාපත් වීමට සිදුවූයේ පුංචි සන්ධියේම තමන්ට මදිපුංචි කමක් කරමින් ගී ගැයූ නෑනාම වීම ඔහුගේ ජීවිතයේ තවත් ශෝකාන්තයක් විය.

ඉන්පසු සිදුවූයේ තමාට සමාජයට පවා මුහුණ දිය නොහැකි තත්වයක් ඇය විසින් ඇති කිරීම නොවේද සිතී අසංක පාවෙමින් තිබූ පොල් කෝම්බයකට පා පහරක් දුන්නේය.

අවසන ගෙදරටම ගාල්වූ තමාව අද දින උසාවියට ඉදිරිපත් කළ ඇය ලෝකයම ඉදිරියේ තමාව ලැජ්ජාවට පත් කලාය.

ඒ ඔක්කොම හොඳයි මාසෙකට 4000ක් දෙන්න මම සල්ලි ගස්වලින් කඩනවා කියලද දන්නෑ නඩුකාර හාමුදුරුවො හිතන් උන්නෙ…

අසංක කිව්වා නොව ඉබේම කියවුනි.ඒ වහාම තමාගේ උස් වචන භාවිතය පිළිබද සබකෝලයට පත් ඔහු වටපිට බලා කිසිවෙක් නොදුටු හෙයින් සැනසුම් සුසුමක් හෙලුවේය.

ඈතින් පැමිණෙන සයිමන් සහ පිරිසගේ බොන්ද ජායාව දුටු අසංක ඔවුන්ගෙන් සැඟවීමට සිතා නියර දිගේ දිවීම ආරම්භ කලා පමනි..

ඩෝං…. හඬින් පිපිරූ මහා ආලෝකයක් තමා දෙසට එනු නෙත් පියවීමට ක්ෂණයකට පෙර අසංක දුටුවේය…

ප.ලි:- පොඩි අලුත් වැඩකුත් පටන්ගත්තා.php ඉගෙනගන්න ආසා කට්ටියට මුල ඉඳලම කියලා දෙන්න.කැමති අය ඉන්නවනම් පොඩ්ඩක් ඔළුව දාල බලලා යන්න..php සිංහලෙන්

Advertisements
Comments
  1. Gold fish says:

    මට ටිකක් තේරුම් ගන්න අමාරු වුනා… අළුත් වැඩේට සුභ පැතුම්…. මාත් එනවා…

    • අඩේ එහෙමද බං.කමක්නෑ උඹ තේරුම් ගන්න ට්‍රයි එකක් දුන්නනේ… 🙂

      එළ මචං වරෙන් ඒ පැත්තෙ.

දාල යමු දාලා යමු කොමෙන්ටුවක්

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s