imagesමේ කියන්න යන්නෙත් අපේ හොස්ටල් සෙට් එකේම හිටපු තවත් එකෙක් ගැන.ආදරේට මිනිහට කියන්නෙ පොලා කියලා හිතමුකො.

දන්න කියන කාලෙක ඉදන් මිනිහට පුදුම උනන්දුවක් තියෙන්නෙ වාහන සම්බන්දයෙන්.කොටින්ම මිනිහා හැමදාම උදේ පාන්දර වාහනයක් අමාරුවෙන් හපුතලේ කන්ද නගිනවා වගේ ගියර් දදා ගොරවනවා පීනස වැඩි කමට.

මිනිහා වාහන ගැන කොච්චර ආසද කියනවනම් විනෝදංශයක් වශයෙන් විකුණන්න තියෙන වාහන එහෙම බලන්න යනවා.කොටින්ම කියනවානම් වෙන දන්න කියන කවුරු හරි වාහනයක් බලන්න යනවානම් අනිවාර්යයෙන්ම මිනිහව එක්කරගෙන යනවා ආයෙ ඒකෙ දෙකක් නෑ.

එක්කරගෙන ගියාම මූ නිකන් ශර්ලොක් හෝල්ම්ස් වගේ තමයි.අරෙහෙට තට්ටු කරනවා මෙහෙට තට්ටු කරනවා,ඉව කරල බලනවා,ඉඹල බලනව,ලෙවකාල බලනවා,යටට රින්ගල බලනවා වගේ වැඩ කෝටියයි.

ඔන්න කොහොම හරි දවසක් මූ එක පෝය දවසක කථා කරලා අපේ තවත් කොල්ලෙකුට වාහනවක් බලන්න යන්න කියලා.
ගිහිල්ලා තියෙන්නෙ කොහෙද මන්දා ටෙන්ඩර් දාල තියෙන වාහන සෙට් එකක් බලන්නලු.

තැනට ගිහින් බැලුවම මෙලෝ යකෙක් ඉන්න පාටක් නෑලු.ඒ මදිවල ගේට්ටුවත් වහලා දාලා.
පස්සෙ සිකියුරිටි අංකල් ඇවිත් කිව්වලු “මහත්තයා අදනම් වාහන බලන්න බෑ අද වහලා තියෙන්නෙ” කියලා..

දැන් අනිත් පොර කියනවලු එහෙනම් පොලා අද මේක වහලා ඇති බන් අපි යමු යන්න කියලා.
කොහෙද මූ කියන එකක් අහන්නෙම නැතිලු මූට කොහොමහරි අදම වාහන බලන්න ඕනිලු.

සීන් එක මෙහෙම ටික වෙලාවක් ඇදිලා ගියාට පස්සෙ මිනිහා සික්කා අංකල්ට කියනවලු පොඩ්ඩක් ඉන්නවකො මම තමුසෙට පෙන්නන්නම් කියලා..

ඒ කරල පොලා වාහනේට ගිහින් ඉංග්‍රීසි පත්තර කෑල්ලක් අරන් ආවලු.

තමුසෙ කිව්වට මේ බලනව අයිසෙ මේ තියෙන්නෙ එක්සෙප්ට් පෝය ඩේස් ඇන්ඩ් සන්ඩේස් කියලා…

තමුසෙ කොහොමද කියන්නෙ අද වහලා කියලා

හැමෝටම සුභම සුභ නත්තලක් වේවා.

කාලෙකට පස්සෙ නිදහසේ ගත කරන්න හම්බුන සති අන්ත ඉරිදාවේ යාලුවෝ දෙන්නෙකුත් එක්ක සැවෝයි එකේ 3ඩී ෆිල්ම එක බලන්න ගියා..

යනකොටත් පටන් ගන්න ඔන්න මෙන්න.කලුවරේම ගිහින් බුක් කරලා තිබ්බ සීට් වල වාඩි වුනා.

අයිනෙම හිටියෙ නුවන් ඊළඟට මම එහා පැත්තෙ සුසිල්.(දන්නවනෙ පොරව)

වාඩි වෙලා විනාඩියක් ගියේ නෑ ෆිල්ම් එක පටන්ගත්තා.

3ඩී ග්ලාස් දාගත්ත සුසිලා එක පාරටම..

ඒ නුවන් මේ මාරයිනෙ බන් මරුවට පේනවනෙ කියලා බෙරිහන් දුන්නා….

හීනියට කිචි කිචියක් ඉස්සරහ පේළියෙන් ඇහුනා..

ඊළඟට,

ඒ මඟෙ සීට් එක ඇඳයි බන් උඹලගෙත් එහෙමද?

මායි නුවනයි නෙවෙයි මීක් කියන්නෙ..

නුවන මට කියනවා ඒ බන් අරූට කෑ ගහනැතුව ඉන්න කියපන් බන් කියලා…

තව චුට්ටයි ගියේ ආයෙම

ඒ බන් මේකෙ සීට් එක පස්සට කඩන්න බැරිද බන් මම හිරවෙලානෙ…

ඉස්සරහින් ඇහෙන කිචි කිචිය අපිට ඇහෙන්නෑ වගේ අපි හිටියා…

ඔක්කොම ඉවරවෙලා ලැජ්ජා සහගතව එළියට ආපු අපි

පිස්සුද බන් උඹට විලිලැජ්ජාවේ බෑ යකෝ ඔහොම කෑ ගහනවද ෆිල්ම් බලලා නැති වුන් වගේ..

ඒ බන් මම හයියෙන් කෑ ගැහුවද බන්..

ඒක නෙවී කොහොමද ඒකෙ තිබ්බ සීතල… ඒ සුසිල්

වෙලාවට ඒක විතරයි තොට කියන්න බැරිවුනේ..

ඒක තමා මම ඒකත් කියන්න හඳල ආයෙම නිකන් හිටියා


හොස්ටල් එකේ උඩ තට්ටුවේ දකුණු කෙළවරේම තිබ්බෙ 11 වසරෙ කට්ටියගෙ ඩෝම් එක.ඊට මෙහායින් 10 වසරෙ කස්ටිය.

ඔය හැම ඩෝම් එකක් ඉස්සරහින් දිගටම කොරිඩෝ එක තියෙනවා.

ඒ ඒ ඩෝම් එකට අදාල පොදු කණ්ණාඩිය තියෙන්නෙ මේ කොරිඩෝ එක තියෙන කණුවකට හයිකරලා.

මේ කියන සිද්ධිය වෙද්දි රම්බා 10 වසරෙ.

දහය වසර කියන්නෙ ඩිංගක් කරදඩු උස් මහත් වෙලා උගුරු ඇටේ එලියට පෙනිලා එහෙම මදන විසේ ගහලා ඉන්න කාලෙනෙ..

ඔය දවස්වල 11 වසරෙ හිටියා අයියලා 3 න් දෙනෙක් හවසට හවසට යකඩ එක්ක හැප්පිලා ඇඟ මහත්කරගන්න දඟලපු.

ටික කාලයක් මෙහෙම ගියපු කට්ටියගෙ යන්තම් පොඩ්ඩක් මස් පිම්බිලා ආවම කස්ටිය බොරු පඩ ශෝ එකක් දාන්න පටන් ගත්තා ඔය කියපු කණ්නාඩිය ඉස්සරහට වෙලා.

හවස 4,5 වෙනකොට මුන් 3න් දෙනාම ඇඟවල් වල තෙල් උලාගෙන කණ්ණාඩිය ඉස්සරහට ඇවිල්ලා එක එක විදියට ඇඟ පෙන්නන පටන් ගන්නවා.

හරියට නිකන් අපි සල්ලි නොගෙවා අයෝමය පුරුෂයා තරඟයක් බැලුවා වගේ.

මේව බලලා කාල ඇඳල ඉන්න පුලුවන් වයසක නෙවීනෙ අපි උන්නේ.

ඊළඟ රසික හවුලෙදි සුපිරි වැඩක් දෙන්න ප්ලෑන් කරා.

මේකටම හරියන සුපිරි පොරක් හිටියා.නම නුවන්.ගම අනුරාධපුරේ කියලා කියමුකෝ.පොරගෙ ඒ දවස්වල පුදුම දක්ෂකමක් තිබ්බා ඔය උරහිස පිටිපස්සෙ තියෙන කෑල්ල(උරපත්ත) එළියට පුම්බලා පෙන්නන්න.. ආයේ ඉතින් කියලා වැඩක් නෑ සෝමාලියා එවුන් පරාදයි එයාකාරයට උගෙ කටු බොඩිය පන්නලා ගත්තම.

මේ දවස් වෙද්දි ඔය රසික හව්ල දියුණු වෙලා මුලින් වගේ කෑම කාමරවල නෙවි තිබුනෙ.කුළරත්න හෝල් එකේ තමා තිබුනෙ.

ඒ තීරණාත්මක දවස උදාවුනා.රම්බා සහ මීයා තමා මේ අංගයේ නිවේදන කටයුතු.නුවන් අපේ කටු බොඩි අයෝමය පුරුෂයා.නියමාකාරයට උගේ ඇගේ තෙල් උලලා ස්ටේජ් එකට නග්ගලා දුන්නා සුපිරි වැඩක් මුලු හොස්ටල් එකටම උඩින් යටින් නහයෙන් කටින් හැමතැනෙන්ම හිනාවෙන්න.අවාසනාවකට ඒ කාලේ පොටෝ ඇල්ලිල්ලක් නැති නිසා ඒ මතකයන් හිත්වල විතරක් ඉතුරුවෙලා.

මෙහෙම ගේම දීපු කට්ටියම ඩෝම් එකට ඇවිත් නිදාගත්තා.

ටික්කින් ඇහෙනටා දෆ්ඩ බඩාං අයියෝ බුදු අම්මෝ ගහන්න එපෝ එකී නොකී මෙකී සද්ද.

බැලින්නම් මෙන්න 11 වසරෙ උන් පැනලා නුවනයයි මීයටයි විතරක් නෙවී අපේ ඔක්කොමට පෙරළගෙන ගහනවා.

මම විතරක් යන්තම් ගැලවුනා මොකද මට ගහන්න ආපු 11 එකා මාත් එක්ක එකට කරාටේ ප්‍රෑක්ටිස් කරණ නිසා අපි දෙන්න හොරෙන්ම සාම ගිවිසුමක් ගහගත්තා.

මේ වෙනකොට ජනේලෙන් පිටට පැනලා අපිට ගහනවා කියන පණිවිඩය වොර්ඩ්න් වෙත ගෙනගිය(10ක් විතර අල්ලගන්න පස්සෙන් එළවද්දි ) රසිකයා නිසා යන්තම් කට්ටියම අතක් පයක් කඩා නොගෙන ගුටි කෑමෙන් පමණක් සෑහීමකට පත්වුනා.

හොඳම කෑල්ල වුනේ අපි හීනෙකින්වත් අනුමාන නොකරපු දෙයක් 11 වසරෙ එකෙක්ගෙ කටින් මෙහෙම පිටවුන එක.

අඩෝ තොපි තුන් දෙනක් ස්ටේජ් එකට නැග්ගේ අපි තුන් දෙනාට කින්ඩියට නේද යකෝව්…..

එතකොටයි අපිට ඒක මතක්වුනේ.අපිට අරුගෙ කටු බොඩිය විතරක් පෙන්නන ඕනි වුනාට නොදැනීම අපි 3න් දෙනෙකුත් වැඩේට බැහැලා.